Дар Душанбе рӯзи 15 апрел, соати 09:00 бахшида ба Рӯзи пойтахти Ҷумҳурии Тоҷикистон ниммарафони XIII байналмилалӣ баргузор мешавад. Аз хамаи бародаршахрхои Душанбе давандагон ба ниммарафон даъват карда мешаванд.
Фармони Раиси шаҳри Душанбе, мӯҳтарам Рустами Эмомалӣ барои дар сатҳи баланд баргузор намудани озмун ба имзо расид. Ниммарафони анъанавии байналмилалии Душанбе ба муносибати Рӯзи пойтахт, ки ҳамасола дар шанбеи сеюми моҳи апрел таҷлил мешавад, баргузор мешавад.
Ба иттилои манбаъ, озмуни байналмилалӣ ба манзури таҳкими робита бо бародаршаҳрҳо, ки бо шаҳри Душанбе ҳамкориҳои судманди иқтисодиву иҷтимоӣ ба роҳ мондаанд, баргузор мешавад.
Дар нимамарафони Душанбе чун анъана дар баробари варзишгарони тоҷик намояндагони Беларус, Канада, Кения, Қазоқистон, Қирғизистон, Русия, Узбакистон, Украина, Фаронса, Чин, ИМА, Эрон ва дигар давлатҳо ширкат мекунанд.
Қобили зикр аст, ки бар асоси Фармони раиси шаҳри Душанбе, эҳтироми Рустами Эмомалӣ, варзишгароне, ки дар ниммарафони байналмилалии Душанбе миёни мардон ва занон ҷойҳои аз 1 то 6-умро ишғол карданд, бо ҷоизаҳо сарфароз гардонида мешаванд.
Дар ин бора ба АМИТ «Ховар» бо истинод ба Мақомоти иҷроияи ҳокимияти давлатии шаҳри Душанбе хабар медиҳад.
АКС: аз манбаъҳои кушода
