Аз 4 то 7 май дар Маҷмааи давлатии «Кохи Борбад» шаҳри Душанбе Намоишгоҳи байналмилалии универсалии «Тоҷикистон-2023» баргузор мешавад. Дар ин бора аз Палатаи савдо ва саноати Тоҷикистон хабар доданд.
Намоишгоҳи мазкур бо дастгирии Ҳукумати Ҷумҳурии Тоҷикистон баргузор мегардад. Созмондиҳандаи намоишгоҳи «Тоҷикистон-2023» Палатаи савдо ва саноат мебошад.
Дар намоишгоҳи “Тоҷикистон-2023” ширкатҳои бонуфузи Тоҷикистон маҳсулоти худро ба намоиш мегузоранд.
Дар намоишгоҳ иштироки ширкатҳои Малайзия, Туркия, Эрон, Русия, Беларус, Ӯзбекистон ба нақша гирифта шудааст.
Акс: Палатаи савдо ва саноати Тоҷикистон
