Дафтари матбуоти Кохи Сафед рӯзи 29 март дар вебсайти худ хабар дод, ки Ҷо Байден, раиси ҷумҳури Амрико ва Алберто Фернандес, раиси ҷумҳури Аргентина, дар Вошингтон мулоқоти рӯбарӯ баргузор ва масъалаи ироаи кумакҳои бештар ба Украинаро баррасӣ карданд.
Гуфта мешавад, ки дар ин дидор раҳбарони ду кишвар тааҳҳуд кардаанд, ки барои идомаи кумак ба Киев, аз ҷумла дар заминаи амнияти ғизоӣ ҳамкорӣ кунанд. Раисиҷумҳури Амрико ҳамчунин аз ҳамкорӣ бо Аргентина дар бахши энержӣ ва бахши муҳими маъданҳо изҳори пуштибонӣ кард.
Байден ва Фернандес инчунин ӯҳдадор шуданд, ки ҳамкориҳои ИМА ва Аргентина дар самти технологияҳои пешрафта ва ҳамкорӣ бо дигар кишварҳои G20 барои ислоҳоти бонкҳои бисёрҷонибаи рушд барои вокуниши беҳтар ба чолишҳои ҷаҳонӣ кор кунанд.
АКС: REUTERS/Jonathan Ernst
