Омбудсмени ҳуқуқи башар Татяна Москалькова дар мусоҳиба бо РИА Новости гуфт, сиёсатмадорони Русия имкони додани шиноснома ба хориҷиёнро дар ҳудуди намояндагиҳои хориҷӣ баррасӣ мекунанд.
«Ман мехоҳам масъалаи имкони дарёфти шиносномаҳои Русия дар хориҷи кишварро ба миён гузорам», — гуфт ӯ.
Ба гуфтаи Москалькова, тибқи қонунгузории феълии Федератсияи Русия, шахсе, ки дар хориҷ ба таври доимӣ ба сар мебарад, бояд барои дарёфти шиноснома вориди Русия шавад.
«Албатта, ин барои одамон душвор аст. Аввалан, имрӯз логистика вайрон шудааст. Ва дуюм, ин хеле гарон аст», — таъкид кард Ваколатдор оид ба ҳуқуқи инсон.
Ёдовар мешавем, ки тағйирот ба қонун «Дар бораи шаҳрвандӣ» коҳиш додани мӯҳлати будубош дар Федератсияи Русияро барои дарёфти ҳуҷҷати шаҳрвандӣ ба таври соддашуда пешниҳод мекунад.
Дар тарҳи қонун ҳамчунин коҳиши шумори талабот ба беш аз 20 тоифаи ашхос ҳангоми қабул шудан ба шаҳрвандии Русия пешбинӣ шудааст.
