Қарор дар бораи қабули варзишгарони Русия ба Бозиҳои олимпӣ ба дӯши федератсияҳои байналмилалии варзиш вогузор шудааст. Дар ин бора дар нишасти матбуотӣ дар пайи ҷаласаи Кумитаи иҷроияи Кумитаи байналмилалии олимпӣ (КБО) президенти ин созмон Томас Бах хабар дод.
Ба гуфтаи ӯ, КБО дар назди федератсияҳои намудҳои варзиши тобистона ва зимистона як ниҳоди нав ташкил хоҳад дод, то масъалаҳои иҷозаи вуруди русҳо ва белорусҳо ба мусобиқаҳоро баррасӣ кунад. Бах таъкид кард, ки меъёрҳо барои ҳамаи федератсияҳои варзиш яксон хоҳанд буд.
Ёдовар мешавем, ки дар моҳи январ КБО пешниҳод карда буд, ки ба мусобиқоти байналмилалӣ дар мақоми бетараф иҷоза дода шавад, русҳое, ки аз амалиёти вижаи низомӣ дар Украина пуштибонӣ накарданд. Раҳбари ин созмон Томас Бах аз пазируфтани русҳо ба Олимпиадаи соли 2024, вале зери парчами бетараф ҳимоят кард. Вай баъдтар изҳор дошт, ки дахолати сиёсӣ ба варзишро дастгирӣ намекунад ва идеяи “гуноҳи дастаҷамъонаи” варзишгарони Русияро тасдиқ намекунад. Имрӯз кумитаи иҷроияи КБО ба Федератсияи байналмилалии варзиш тавсия дод, ки ба Русия ба ҳайси варзишгарони бетараф иҷозат диҳанд, ки амалиёти махсуси низомиро маҳкум карданд.
