Дар рӯзҳои таътили баҳорӣ, аз 21 то 24 март хонандагони Гимназияи No1 барои кӯдакони болаёқати шаҳри Душанбе дар Олимпиадаи байналмилалии «Эрудитҳои сайёра-2023» дар шаҳри Маскав ширкат варзиданд.
Дар олимпиада ду нафар хонандагони синфи 2-юми гимназия – Абубакр Қосимзода ва Маҳлиё Худоёрзода сазовори ҷойҳои 3-юм гардиданд.
Ҳамчунин 8 хонанда: Зафар Сафарзода – хонандаи синфи 11, Дилноза Давлатзода (синфи 8), Шуҳрат Давлатзода (синфи 6), Билол Қосимов (синфи 6), Умеда Мастибекова (синфи 3), Абдураҳим Исохонов (синфи 3), Ҳоким Ёқубов (3) синф) синф) ва Сумая Нуриддинзода (синфи 2) дар олимпиада фаъолона иштирок намуда, бо ифтихорнома ва медалҳои Кумитаи тадорукот сарфароз гардонида шуданд.
Дастаи гимназия барои иштироки фаъолона бо Ҷоми мазкур сарфароз гардонида шуда, роҳбарияти ин муассисаи таълимӣ ва омӯзгоре, ки хонандагонро ҳамроҳӣ мекарданд, бо сипосномаҳо рӯҳбаланд карда шуданд.
Дар ин бора ба АМИТ «Ховар» бо истинод ба Раёсати маорифи шаҳри Душанбе хабар медиҳад
