Бахшида ба 35-умин солгарди Истиқлолияти давлатии Ҷумҳурии Тоҷикистон ва дар арафаи ҷашни байналмилалии Наврӯз дар маркази шаҳри Турсунзода Маркази дилшиносии «Садои дил» мавриди баҳрабардорӣ қарор гирифт.
Дар маросими ифтитоҳи иншоот роҳбарияти шаҳри Турсунзода ва Академияи илмҳои кишоварзии Ҷумҳурии Тоҷикистон иштирок намуданд.
Марказро духтури кардиолог, номзади илмҳои тиб Абдусаттор Қурбонов таъсис додааст. Муассиса аз се ошёна ва таҳхона иборат буда, барои ташхис ва табобати бемориҳои дил, бемориҳои чашм ва физиотерапия пешбинӣ шудааст. Дар ин марказ 4 нафар табибон, 10 нафар ҳамшираҳои шафқат ва се корманди техникӣ бо кори доимӣ таъмин хоҳанд шуд.
Марказ бо таҷҳизоти муосири тиббӣ муҷаҳҳаз буда, барои ташхиси дурусти бемориҳои дилу чашм шароити мусоид фароҳам овардааст.
Дар ин бора ба АМИТ «Ховар» бо истинод ба Мақомоти иҷроияи ҳокимияти давлатии шаҳри Турсунзода хабар медиҳад.
АКС: Мақомоти иҷроияи ҳокимияти давлатии шаҳри Турсунзода
