Раиси шаҳри Душанбе Рустами Эмомалӣ як рӯз пеш бо раиси шаҳри Боку, пойтахти Озарбойҷон Элдар Азизов мулоқот анҷом дод.
Бино ба иттилоъи маркази матбуъотии мақомоти иҷроияи ҳокимияти давлатии шаҳри Душанбе, дар мулоқот масоили рушди ҳамкориҳои пойтахтҳои ду кишвар баррасӣ шуд.
Масъалаҳои рушди ҳамкориҳои тиҷоратӣ-иқтисодӣ, фарҳангӣ-гуманитарӣ, инчунин ҳамкорӣ дар соҳаи сайёҳӣ баррасӣ шуданд.
Ҷонибҳо ҳамчунин ба роҳандозии табодули таҷриба миёни субъектҳои хоҷагидории Душанбе ва Боку изҳори ҳавасмандӣ карданд.
