Бахшида ба ҷашни байналмилалии Наврӯз дар ипподроми Ҷамъияти саҳомии ба номи Абдураҳим Ҷумъаеви ноҳияи Бобоҷони ноҳияи Ғафурови вилояти Суғд мусобиқаи ҷумҳуриявӣ оид ба пойгаи аспдавонӣ баргузор мешавад.
Ин чорабинӣ ба ифтихори таҷлили ҷашни Наврӯз бо мақсади эҳёи суннатҳои миллӣ, афзоиши шумори дӯстдорони табиат ва рушди асппарварӣ доир гардида, ҳамасола ташкил ва баргузории бозиҳои аспдавонӣ аллакай ба ҳукми анъана даромадааст.
Ҳамчунин зикр мегардад, ки чунин мусобиқаҳои аспдавонӣ ҳамчун як маросими деринаи Наврӯз ба густариши варзиш миёни мардум, бахусус ҷавонон мусоидат намуда, аз ҷониби дигар ба таҳкими минбаъдаи муносибатҳои дӯстона ва ҳамгироӣ мусоидат мекунанд.
Дар ин бора АМИТ «Ховар» бо истинод ба дафтари матбуоти раиси вилояти Суғд хабар медиҳад.
АКС: аз манбаъҳои кушода
