Ҳайати Тоҷикистон таҳти раёсати Фарҳод Салим, муовини вазири умури хориҷии Тоҷикистон дар 49-умин иҷлосияи Шӯрои вазирони корҳои хориҷии кишварҳои узви Созмони ҳамкории исломӣ дар Нуакшоти Мавритания ширкат кард.
Бино ба иттилои департаменти иттилооти Вазорати корҳои хориҷии Ҷумҳурии Тоҷикистон, ҷаноби Фарҳод Салим зимни суханронии худ дар бораи тадбирҳои муассири ҳукумати Ҷумҳурии Тоҷикистон дар самти мубориза бо терроризм ва ифротгароӣ суханронӣ намуд.
Муовини вазир ҳамчунин густариши равобити тиҷоративу иқтисодии кишварҳои СҲИ тавассути иҷрои барномаҳои марбутаи ин созмонро яке аз омилҳои муҳими ҳалли мушкилоти иқтисодӣ ва иҷтимоӣ, аз ҷумла коҳиши фақр ва таъмини шароити устувори зиндагӣ дар минтақа унвон кард.
Акс: ВКД ҶТ
