Тоҷикистон ва Арабистони Саудӣ қасд доранд, созишномаи ҳамкорӣ дар мубориза бо қочоқи маводи мухаддирро имзо кунанд.
Ҳабибулло Воҳидзода, мудири Ожонси мубориза бо гардиши ғайриқонунии маводи мухаддири Тоҷикистон дар Вена бо генерал Муҳаммад Алқарнӣ, раҳбари ҳайати Арабистони Саудӣ мулоқот кард.
Бино ба хабари маркази матбуот Раёсати Агентии назорати маводи нашъаовари Тоҷикистон, ин нишаст дар чаҳорчӯби ширкати ҳайати Тоҷикистон дар иҷлосияи 66-уми Комиссияи СММ оид ба маводи мухаддир баргузор шуд.
Ҳадафи вохӯрӣ баррасии масъалаҳои таҳкими ҳамкорӣ дар самти мубориза бар зидди гардиши ғайриқонунии воситаҳои нашъадор, моддаҳои психотропӣ ва прекурсорҳои кимиёвӣ, назорати муомилоти қонунии онҳо, инчунин пешгирии нашъамандӣ буд.
