Ташаббуси баргузории нахустин Бозиҳои Созмони ҳамкориҳои Шанхай (СҲШ) дар Русия аз сӯи Олег Матыцин, вазири варзиши Федератсияи Русия шудааст. Дар ин бора рӯзи чаҳоршанбе дафтари матбуоти Вазорати варзиши Федератсияи Русия хабар дод.
Ин пешниҳодро Олег Матицин дар Деҳлии Нав дар нишасти раҳбарони бахшҳои масъули рушди тарбияи ҷисмонӣ ва варзиши кишварҳои узви СҲШ ба миён гузоштааст. Дар майдони нишаст раҳбарони вазорату идораҳои варзиши Русия, Ҳиндустон, Қазоқистон, Чин, Қирғизистон, Покистон, Тоҷикистон ва Узбакистон мулоқот карданд. Иштироккунандагони мачлис масъалаи ташкили Ассотсиатсияи ташкилотҳои варзишии кишварҳои СҲШ-ро баррасӣ карданд. 16 сентябри соли 2022 президенти Русия Владимир Путин пешниҳод кард, ки ассотсиатсияи кишварҳои узви СҲШ таъсис дода шавад.
АКС: аз манбаъҳои кушода
