Рӯзҳои 28-29 март дар Лондон Форуми сармоягузории Тоҷикистон ва Шоҳигарии Британияи Кабир ва Ирландияи Шимолӣ баргузор мешавад.
Ҳадафҳои Форум ҷустуҷӯи шарикони тиҷоратӣ байни соҳибкорон ва густариши ҳамкориҳои тиҷоративу иқтисодии ду кишвар мебошад.
Дар ин чорабинӣ намояндагони ниҳодҳои марбутаи давлатии Тоҷикистону Британияи Кабир ва соҳибкорони ҳарду кишвар дар бахшҳои энержӣ, тавлидот, хидматрасонӣ, логистика ва дорусозӣ ширкат хоҳанд кард.
Бино ба иттилоъи маркази матбуъотии Кумитаи давлатии сармоягузорӣ ва амволи давлатии ҶТ, дар чаҳорчӯби анҷуман Намоишгоҳи коло ва маҳсулоти ватанӣ низ баргузор мешавад.
