Ҳайати вилояти Суғди Ҷумҳурии Тоҷикистон таҳти роҳбарии Раиси вилоят Раҷаббой Аҳмадзода рӯзи 13 март ба вилояти Фарғонаи Ҷумҳурии Ӯзбекистон сафар карда, дар маросими оғози сохтмони «Андархон савдо» ва Маркази логистика.
Ҳамчунин, дар маросими оғози корҳои сохтмонӣ раиси вилояти Фарғона Хайрулло Бозоров, Сафири Фавқулода ва Мухтори Ҷумҳурии Тоҷикистон дар Ҷумҳурии Ӯзбекистон Абдуҷаббор Раҳмонзода низ ширкат варзиданд.
Роҳбарони минтақаҳо изҳори итминон карданд, ки Маркази савдо ва логистикии Андархон дар афзоиши табодули коло ва маҳсулот саҳм мегузорад ва ҳамчунин мардуми тоҷику ӯзбекро бо фарорасии Иди байналмилалии Наврӯз табрик гуфтанд.
Дар ин бора АМИТ «Ховар» бо истинод ба дафтари матбуоти раиси вилояти Суғд хабар медиҳад.
