Дину Туркану, яке аз раҳбарони ҷунбиши эътирозӣ дар Молдова ба РИА Новости гуфт, мухолифони Молдова беш аз 700 000 имзо ҷамъоварӣ намуда, аз мақомот талаб кардаанд, ки пули истеъмолкунандагон барои газ, барқ ва гармӣ дар се моҳи зимистон пардохт кунанд.
Молдова бинобар боло рафтани қимати нерӯи барқ бӯҳрони энержиро аз сар мегузаронад, тарифҳои газ дар соли 2022 тақрибан ҳафт маротиба ва барои нерӯи барқ тақрибан чаҳор маротиба боло рафтаанд.
Рӯзи якшанбе дар пойтахт боз як эътирози оммавӣ алайҳи болоравии нарху тарифҳо баргузор шуд. Тазоҳургарон аз ҳукумат даъват карданд, ки пули гармӣ ва нерӯи барқро дар зимистон пардохт кунад ва инчунин истеъфои раисиҷумҳур Майя Санду аз ҳукуматро талаб карданд. Ин иқдом дар чаҳорчӯби созмони «Ҷунбиши мардумӣ» баргузор шуд, ки аз ҷониби ҳизби мухолифи «Шор» пуштибонӣ мешавад.
