Бо фармони Михаил Мишустин, нахуствазири Федератсияи Русия, дирӯз муовини нахуствазири Русия Марат Хуснуллин раиси бахши русии комиссияи байниҳукуматии ҳамкориҳои иқтисодии Русия ва Тоҷикистон таъин шуд.
«Бо қарори Михаил Мишустин, ӯ раҳбарии бахши русии комиссияи байниҳукуматии ҳамкориҳои иқтисодӣ бо Тоҷикистонро бар ӯҳда дошт. Ин шарики мост, ки мо бо ӯ ҳамкориҳоро афзун хоҳем кард», — Хуснуллин дар канали Telegram-и худ қайд кард.
Муовини нахуствазир ҳамчунин афзуд, ки ҳафтаи гузашта дар ҳайати ҳукумати Русия аз Душанбе дидан кардааст. Зимни мулоқот масъалаҳои ҳамкорӣ дар соҳаи роҳи оҳан ва нақлиёти автомобилӣ, рушди долонҳои нақлиётии «Шимол-Ҷануб» ва «Ғарб-Шарқ» баррасӣ шуданд, ёдовар шуд муовини сарвазир. Хуснуллин таъкид кард, ки ин тарҳҳо ба афзоиши гардиши мол миёни кишварҳо мусоидат мекунанд.
АКС: аз манбаъҳои кушода
