Намояндагони Қирғизистону Тоҷикистон дар моҳи март марҳилаи навбатии музокиротро оид ба масъалаи минтақаҳои баҳсбарангези марзи муштарак баргузор мекунанд.
«Ҳайати ҳукуматии Ҷумҳурии Қирғизистон аз 10 то 16 марти соли 2023 дар Душанбе бо ҳамкасбони тоҷикистонӣ мулоқот баргузор намуда, дар он масъалаи делимитатсия ва демаркатсияи қитъаи умумии сарҳади давлатиро баррасӣ мекунанд», — гуфт намояндаи кабинета. Ба гуфтаи вай, ба гурӯҳи кории Қирғизистон дар ҷаласаи қарибулвуқӯъ дар Тоҷикистон 15 нафар бо раҳбарии намояндаи вижаи Девони вазирон оид ба масоили марзӣ Назирбек Бөрүбоев шомиланд.
Дарозии марзи давлатии Қирғизистону Тоҷикистон ҳудуди 980 километрро ташкил медиҳад. Аз моҳи декабри соли 2002 музокираҳо оид ба таъини он идома дорад. Аз соли 2017 Душанбе ва Бишкек ин равандро ба таври қобили мулоҳиза густариш додаанд. Дар ҳоли ҳозир беш аз се ду ҳиссаи хатти убури марз аз ҷониби давлатҳо муайян ва эътирофи мутақобила шуда, қитъаҳои боқимонда мавриди баҳс қарор доранд.
Дар ин бора ТАСС бо истинод ба дафтари матбуоти девони вазирони Қирғизистон хабар медиҳад.
