Саъдӣ Қодирзода, раиси Кумитаи давлатии сармоягузорӣ ва идораи амволи давлатии Тоҷикистон бо Умут Ачар — сафири Туркия дар Тоҷикистон мулоқот кардааст.
Дар вохӯрӣ имкониятҳои сармоягузории Ҷумҳурии Тоҷикистон, самтҳои афзалиятноки сармоягузорӣ, инчунин имтиёзҳо ва афзалиятҳо барои сармоягузорон баррасӣ шуданд.
Бино ба иттилои Кумитаи давлатии сармоягузорӣ, ҷонибҳо масъалаи баргузории ҳамоиши сармоягузории Тоҷикистону Туркия ва таъсиси фонди сармоягузории Тоҷикистону Туркияро баррасӣ кардаанд.
Дар фарҷоми мулоқот ҷонибҳо омодагии худро барои таҳкими ҳамкориҳо дар самти муносибатҳои сармоягузорӣ ва тиҷоратӣ изҳор намуданд.
