Боз пиёз. Омори расмӣ мегӯяд, дар моҳи январи соли ҷорӣ қимати пиёз дар Тоҷикистон 31,6% боло рафтааст.
Дар хакикат дар мохи январь нархи пиёз се баробар афзуд. Агар дар моҳи декабри соли 2022 як кило пиёз ба ҳисоби миёна 3,5 сомонӣ арзиш дошта бошад, пас дар моҳи январ ҳамин миқдор пиёз 10-11 сомонӣ арзиш дошт.
Илова бар ин, агар дар моҳи январи соли 2022 ба ҳисоби миёна нархи чаканаи пиёз дар шаҳрҳои бузург ва марказҳои ноҳиявӣ 2,5 сомонӣ буд, имсол то ба 10 сомонӣ расидааст.
Раёсатҳои дахлдор сабаби аслии боло рафтани нархи пиёзро шарҳ доданд – ин номусоиди обу ҳаво ва дар анборҳо талаф шудани як қисми ҳосил аст.
Аз рӯи инсоф бояд гуфт, ки пиёз дар саросари ҷаҳон гарон шуд ва бархе аз кишварҳо, аз ҷумла Тоҷикистон, ба хотири эътидол овардани нархи он содироти ин маҳсулотро манъ кардаанд.
