Аз ширкати австриягӣ, ки дар сохтмони нерӯгоҳи Роғун машғул аст, як ҳайати Тоҷикистон дидан кардааст.
Бино ба иттилои департаменти иттилооти Вазорати корҳои хориҷии Ҷумҳурии Тоҷикистон, ҳайати Тоҷикистон таҳти роҳбарии муовини вазири корҳои хориҷии ҷумҳурӣ Шараф Шерализода ҷиҳати иштирок дар ҷаласаи Комиссияи байниҳукуматии Тоҷикистону Австрия оид ба ҳамкориҳои иқтисодӣ дар Австрия қарор дошт.
Дар ҷараёни ин сафар ҳайат аз қароргоҳи ширкати энергетикии Австрия VOITH Hydro, ки дар сохтмони иншооти бузурги гидроэнергетикии Тоҷикистон, аз ҷумла НБО-и Роғун фаъолона иштирок мекунад, дидан кард.
