Бар асоси натоиҷи соли гузашта, тибқи иттилоъи Хадамоти алоқаи кишвар, даромади ширкатҳои мухобиротӣ дар Тоҷикистон 15,1% афзоиш ёфтааст.
Дар ин муддат операторони мухобирот 3 миллиарду 625,6 миллион сомонӣ (332,3 миллион доллар) даромад гирифтанд, ки нисбат ба соли 2021 474,7 миллион сомонӣ бештар аст. Ба 3 миллиарду 428,9 миллион сомонӣ саҳми ширкатҳои хусусии мухобирот рост меояд.
Даромади оператори миллии алоқа («Тоҷиктелеком»), КВД «Почтаи тоҷик» ва воҳидҳои Хадамоти алоқа аз 167,9 миллион сомонӣ дар моҳҳои январ-декабри соли 2021 ба 196,7 миллион сомонӣ дар ҳамин давраи соли гузашта 17,2 фоиз афзудааст.
Ҳиссаи операторони хусусӣ дар бозори хизматрасонии алоқа 94,6 фоизро ташкил дод.
