Муассисаи давлатии «Экспедитсияи мубориза бар зидди малах»-и Вазорати кишоварзии Ҷумҳурии Тоҷикистон барои ҳифзи киштзор аз ҳашароти зараровар ва пешгирии паҳншавии малах 5 адад обкашон, 5 адад микроавтобус, хаймаҳои саҳроӣ ва дигар таҷҳизоти зарурӣ дарёфт карда шуд.
Дар доираи лоиҳаи «Барномаи минтақавӣ ва миллии беҳсозии мубориза бар зидди малах дар кишварҳои Қафқоз ва Осиёи Марказӣ» таҷҳизот ба Тоҷикистон интиқол дода шуд.
Муассисаи давлатии «Экспедитсияи мубориза бар зидди малах» ва филиалҳои он дар вилояту шаҳру ноҳияҳои ҷумҳурӣ дар соли 2022 барои сари вақт анҷом додани чорабиниҳои мубориза бо малах 727 адад техника ва дигар таҷҳизоти зарурӣ омода намуданд.
Соли гузашта дар ҷумҳурӣ дар майдони 117070 гектар коркарди кимиёвӣ бар зидди малах гузаронида шуд. Дар ин давра дар шахру районхои чумхурй ягон ходисаи зарар дидани малах ба кайд гирифта нашудааст.
Дар ин бора ба АМИТ «Ховар» бо истинод ба Вазорати кишоварзии ҷумҳурӣ хабар медиҳад.
