Сафари раиси ҳукумати Федератсияи Русия Михаил Мишустин ба Ҷумҳурии Тоҷикистон рӯзҳои 2-3 март дар назар аст.
Гуфта мешавад, ки дар ҷараёни ин сафар Михаил Мишустин рӯзи 2 март дар 9-умин конфронси ҳамкориҳои байниминтақавӣ ва ҳамоиши тиҷоратии Тоҷикистону Русия ширкат хоҳад кард.
Дар ҷараёни ин сафар мулоқотҳои байниҳукуматӣ ва музокироти сатҳи олӣ дар назар аст.
Қобили зикр аст, ки Федератсияи Русия яке аз шарикони асосии тиҷоратии Тоҷикистон буда, тибқи омори расмӣ, дар соли 2022 ба ҷумҳурӣ 26,4 миллион сармояи Русия ворид шудааст.
Ҳамчунин дар Тоҷикистон бо ҷалби сармояи Русия даҳҳо корхонаи муштараки саноатӣ, зербиноҳои мухталиф, бахусус муассисаҳои таълимӣ бунёд шудаанд.
Дар ин бора АМИТ «Ховар» хабар медиҳад.
АКС: аз манбаъҳои кушода
