Жанин Висслер, ҳамраиси Ҳизби чапи Олмон, хостори пароканда кардани Иттиҳоди Атлантикаи Шимолӣ шуд, хабар медиҳад шабакаи телевизионии N-TV. Ба гуфтаи вай, НАТО бояд бо системаи амнияти дастаҷамъӣ иваз карда шавад, ки Русия низ ҷузъи он хоҳад шуд: «Амнияти устувори байналмилалиро танҳо дар сурате таъмин кардан мумкин аст, ки ҳамаи давлатҳои муҳим ба як системаи амнияти муштарак шомил шаванд.»
Висслер бар ин назар аст, ки агар НАТО вуҷуд намедошт, нерӯҳои Русия алакай дар Балтика мебуданд, ин дурӯғ аст: «Фикр намекунам, ки Путин ба зудӣ ба Балтика ҳамла мекунад.» «Ва худи НАТО ба ҳеҷ ваҷҳ кафили амният ва субот дар ҷаҳон нест. Худи он дар Афғонистон ё дар Балкан ҷангҳое мекард, ки қонунҳои байналмилалиро вайрон мекунанд.».
Сиёсатмадори чапгард тавсеаи паймон ба самти шарқро иштибоҳ ва яке аз сабабҳои пайдоиши низои Украина номид. Аммо ин амалҳои Русияро сафед намекунад, гуфт ӯ. Висслер иддаохоеро, ки гуё партияаш ба Москва «хамдардй» дошта бошад, рад кард. Гап дар он аст, ки «мо бархӯрди низомӣ бо Русияро намехоҳем» гуфт ӯ.
АКС: аз манбаъҳои кушода
