Шумораи корхонахои саноатии маркази маъмурии вилояти автономии Бадахшони Кухй имруз ба 35 адад мерасад.
Корхонаи истеҳсоли сими торҳои симдор ҶДММ «Симин Сохтмон», корхонаи коркарди доруворӣ ҶДММ «Панацеа» Маркази хизматрасонии тиббӣ, сехи мебели ҶДММ «Осия», ҶДММ «Фарид-Хоруг» сехи коркарди қуму шағал, ҶДММ «Дерзуд», ҶДММ «Ҷафси», «Одина» ҶДММ, «Дастони тиллоӣ», «Ниссо Помир» ҶДММ, корхонаи истеҳсоли қаннодӣ, коргоҳи «Дунеи хунар» ва ҶДММ «Сифатнок» аз ҷумлаи корхонаву коргоҳҳои нав мебошанд.
Ҳамчунин зикр гардид, ки барои ноил шудан ба ҳадафи чоруми стратегии кишвар – индустрикунонии босуръат моҳи августи соли 2022 дар шаҳри Хоруғ Анҷумани байналмилалии соҳибкорӣ ва сармоягузории «Помиринвест-2022» баргузор гардид, ки дар он 15 нафар сармоягузорони хориҷӣ ширкат варзиданд.
Дар ин бора ба АМИТ «Ховар» бо истинод ба раиси шаҳри Хоруғ Ризо Назарзода хабар медиҳад.
АКС: аз манбаъҳои кушода
