Дар Душанбе масоили таҳкими механизмҳои ҳифзи мероси фарҳангӣ ва таърихии Тоҷикистон баррасӣ шуд.
Бино ба иттилои Раёсати иттилооти Вазорати корҳои хориҷии Ҷумҳурии Тоҷикистон, дар шаҳри Душанбе дар мавзӯи «Ташаккули тавонмандии мутахассисони ҳифзи мерос» семинар баргузор гардид.
Чорабинии мазкур аз ҷониби Комиссияи миллии Тоҷикистон оид ба корҳои ЮНЕСКО дар ҳамкорӣ бо Созмони ҷаҳонии ислом оид ба маориф, илм ва фарҳанг (ИСЕСКО) баргузор гардид.
Ҳадаф аз баргузории чорабинӣ таҳкими механизмҳои ҳифзи мероси фарҳангию таърихии кишвар, инчунин мусоидат намудан ба ворид намудани онҳо ба Феҳристи мероси умумиҷаҳонӣ буд. Чорабинӣ ба амиқтар шудани фаҳмиш ва дониши иштирокчиён дар бораи механизмҳое, ки дар конвенсияҳои дахлдори байналмилалӣ пешбинӣ шудаанд, мусоидат намуд.
