Дар Донишгоҳи Миллии Тоҷикистон дар заминаи факултаи журналистика телевизиони донишгоҳ таъсис дода мешавад. Айни замон дар бинои телевизион корҳои сохтмонӣ оғоз гардидаанд. Дар ин бора зимни мулоқоти роҳбарияти донишгоҳ бо омӯзгорон ва кормандони факултаи журналистика зикр гардид.
Бо пешниҳоди роҳбарияти донишгоҳ дар сатҳи факултет маҷаллаи илмии «Журналистика» таъсис дода мешавад, ки дар он мақолаҳои илмии омӯзгорони эҷодӣ, ки дар конфронсҳо баромад мекунанд, нашр карда мешаванд.
Дар рафти вохӯрӣ самтҳои гуногуни фаъолияти факултет муҳокима гардида, ҳамчунин зикр гардид, ки фаъолияти тамоми сохторҳои факултет бояд аз нав дида баромада шуда, кор дар ҳамаи самтҳо пурзӯр карда шавад.
АМИТ «Ховар» бо истинод ба роҳбарияти донишгоҳ хабар медиҳад.
