Ба иттилои Агентии обуҳавошиносии Тоҷикистон, бинобар идома ёфтани ҳавои намнок ва гарм рӯзҳои 18-21 феврал дар навоҳии кӯҳистонии тобеи ҷумҳурӣ, дар шоҳроҳҳои «Душанбе-Чанак», «Нуробод-Рашт-Сангвор» ва ғарби ш. Вилояти Мухтори Кӯҳистони Бадахшон, хатари тармафароӣ дар роҳҳои «Душанбе – Дарвоз», «Дарвоз – Ванч», «Ванч – Хоруғ», «Хоруг – Ҷилондӣ», «Хоруг – Роштқалъа» ва «Хоруг – Ишкошим» боқӣ мемонад. Дар ин бора маркази матбуъотии Кумитаи ҳолатҳои изтирорӣ ва мудофиаи граждании назди ҳукумати ҶТ хабар дод.
Кумита ба хотири бехатарӣ ба шаҳрвандон ва меҳмонони ҷумҳурӣ тавсия медиҳад, ки бо мақсади пешгирии ҳодисаҳои нохуши ҳавои номусоид ва рух додани офатҳои табиӣ дар доманакуҳҳо ва минтақаҳои кӯҳӣ ба шикор ва моҳидорӣ нараванд, аз ҷамъоварии ҳезум даст кашанд.
«Муроҷиат ба ронандагоне, ки тавассути роҳҳои кӯҳӣ ва ағбаҳо, бахусус тавассути шоҳроҳҳои «Душанбе-Чанак» ва« Душанбе-Хоруғ» ба нақша гирифтаанд, то ҳадди имкон аз сафар дар ин рӯзҳо худдорӣ кунанд», — мегӯяд манбаъ.
