Сафири Русия дар Тоҷикистон Семён Григорьев ба вазири корҳои хориҷии Тоҷикистон Сироҷиддин Муҳриддин дар робита ба резиши тармаи фоҷеабор дар Вилояти Мухтори Кӯҳистони Бадахшон (ВМКБ)-и ҷумҳурӣ барқияи таслият фиристод.
Тавре аз намояндагии дипломатии Русия хабар доданд, дипломат гуфт, ки Русия ҳамроҳ бо мардуми бародари тоҷик мотам дорад. Ӯ ба наздикони қурбониён изҳори ҳамдардӣ карда, ба осебдидагон шифои ҳарчи зудтар орзу кардааст.
Бар асари фаромадани тарма дар ВМКБтибқи маълумоти ахир 19 нафар ба ҳалокат расидаанд. Дар миёни онҳо 11 зан, се кӯдак ва панҷ мард низ ҳастанд. Боз 2 сокини ноҳияи Ишкошими ВМКБ бедарак шудаанд. Дар ҳоли ҳозир онҳо наҷотдиҳандагонро ҷустуҷӯ доранд.
Дар ин бора хабаргузории «Sputnik Тоҷикистон» имрӯз, 16 феврал хабар дод.
АКС: аз манбаъҳои кушода
