Тамрини «Бародарони вайроннашаванда», ки Арманистон аз баргузории он худдорӣ кард, дар Қирғизистон баргузор мешавад. Дар ин бора раиси ситоди муштараки Созмони Паймони Амнияти Дастаҷамъӣ (СПАД), генерал-полковник Анатолий Сидоров хабар дод.
«Дар қаламрави Ҷумҳурии Қирғизистон баргузории тамриноти муштарак бо нерӯҳои посдори сулҳи СПАД «Бародарони вайроннашаванда» дар назар аст, ки дар ҷараёни он вазифаҳои ҳалли баъдиҷангӣ дар минтақаи бӯҳронӣ, баргузории амалиёти посдори сулҳ таҳия карда мешаванд.»,— гуфт у (Мухбири ТАСС). Санаи баргузории машқҳо дода нашудааст.
Арманистон рӯзи 10 январ ба СПАД дар бораи «номақбул» будани баргузории тамринҳои «Бародарони вайроннашаванда-2023» дар ин кишвар хабар дод. Кремл итминон дод, ки Ереван ҳамчунон «ҳампаймони хеле наздики» Маскав боқӣ мемонад. Вазорати хориҷаи Русия гуфт, сарпечӣ кардани Арманистон аз мизбонии тамринҳо барои кишварҳои узви ин созмон мушкилоти муайянеро эҷод мекунад.
АКС: аз манбаъҳои кушода
