Президенти Тоҷикистон Эмомалӣ Раҳмон фармон имзо кард, ки аз фонди захиравии худ 568 ҳазору 750 сомонӣ барои мукофотонидани варзишгарони барҷастаи кишвар ҷудо карда шавад.
«Ба вазорати молия супориш дода мешавад ки аз ҳисоби фонди захиравии президент дар соли 2023 ба Кумитаи кор бо ҷавонон ва варзиши назди ҳукумат 568 ҳазору 750 сомонӣ барои ҷоизасупорӣ 35 нафар ғолибону ҷоизадорони мусобиқаҳои байналмилалии варзишӣ ва мураббиени онҳо ҷудо намояд», — дар матни фармон гуфта шудааст.
Президент ба Кумитаи кор бо ҷавонон ва варзиш супориш дод, ки истифодаи саривақтӣ ва мақсадноки маблағҳои ҷудошударо таъмин намуда, дар бораи хароҷоти истеҳсолшуда ба вазорати молия ҳисобот пешниҳод намояд.
АКС: аз манбаъҳои кушода
