Дар намоишгоҳи 30-юми байналмилалии озуқаворӣ, нӯшокиҳо ва ашеи хом барои истеҳсоли онҳо «Продэкспо-2023» дар Маскав ҶДММ «Экофрукт Исфара» – и Тоҷикистон ширкат варзид. Ширкати тоҷикистон намудҳои гуногуни меваҳои хушкро, ки ба содирот нигаронида шудаанд, муаррифӣ намуд.
Дар намоишгоҳ зиеда аз 2000 ширкат аз 35 кишвари ҷаҳон, аз ҷумла Беларус, Туркия, Федератсияи Русия, Арманистон, Озарбойҷон, Тоҷикистон, Қазоқистон, Узбекистон, Ҳиндустон, Чин ва дигар кишварҳо ширкат меварзанд.
Дар намоиш инчунин корхонаҳои истеҳсолии ҶДММ «Абдулакимов», ҶДММ «Субхи Ватан», ҶДММ «Хариф» ва ҶДММ «Витаминҳои Тоҷикистон», ки ба коркард ва истеҳсоли меваҳои хушк, сабзавот ва маҳсулоти консервшуда машғуланд, маҳсулоти худро муаррифӣ намуданд.
АМИТ «Ховар» бо истинод ба палатаи Савдо ва саноати ҷумҳурӣ хабар медиҳад.
АКС: палатаи Савдо ва саноати Ҷумҳурии Тоҷикистон
