Моҳи марти соли равон дар Душанбе баргузории форуми сармоягузории Тоҷикистону Русия ба нақша гирифта шудааст. Масъалаҳои вобаста ба густариши ҳамкориҳои иқтисодии Тоҷикистону Русия, бахусус сармоягузорӣ ба иқтисоди Тоҷикистон дар кумитаи давлатии сармоягузорӣ ва идораи амволи давлатии Ҷумҳурии Тоҷикистон бо роҳбарияти вазорати иқтисоди Федератсияи россия баррасӣ шуданд.
Масъалаҳои асосии мулоқоти дуҷониба ҷалби сармоя аз Федератсияи Русия ба Ҷумҳурии Тоҷикистон, таъсиси корхонаҳои муштараки саноатӣ, фонди сармоягузории Тоҷикистон ва Русия буданд.
Ҷонибҳо ҳамчунин омодагии худро ҷиҳати андешидани чораҳои зарурӣ барои баргузории форуми сармоягузории Тоҷикистону Русия, ҳалли масъалаҳои дигари таҳкими ҳамкориҳои иқтисодӣ иброз доштанд.
АМИТ «Ховар» бо истинод ба кумитаи давлатии сармоягузорӣ ва идораи амволи давлатии Ҷумҳурии Тоҷикистон хабар медиҳад
