Сулаймон Давлатзода, раиси Кумитаи дини Тоҷикистон, рӯзи ҷумъа дар Душанбе ба хабарнигорон гуфт, ки нархи адои маросими «Ҳаҷ» дар соли ҷорӣ ҳанӯз мушаххас нашудааст.
Ба гуфтаи вай, Арабистони Саудӣ то ҳол номгӯи арзиши хидматҳоро пешниҳод накардааст ва баробари гирифтани ин номгӯи ҷониби тоҷикистон нархи «Ҳаҷ» – и мавсими соли 2023 низ маълум хоҳад шуд.
Соли гузашта арзиши анҷом додани Маросими «Ҳаҷ» барои ҳар як ҳоҷии тоҷик 60 ҳазору 520 сомониро ташкил дод. Соли 2022 Арабистони Саудӣ ба Тоҷикистон 3 ҳазору 562 квота ҷудо карда, имсол 7 ҳазор квота ҷудо карда шуд.
Дар робита ба риояи меъерҳои қонун «дар бораи танзими анъанаҳо, ҷашну маросимҳои халқӣ», тибқи маълумоти Кумитаи дин, дар соли 2022 770 вайронкунии қонуни мазкур ошкор карда шуд (дар соли 2021 681 вайронкунӣ).
