Кумитаи корҳои динии Тоҷикистон муҳлати нави ифтитоҳи расмии масҷид дар Душанбе, ки бо маблағгузории Қатар сохта шудааст, хабар дод.
Тавре, ки роҳбари кумитаи дин Сулаймон Давлатзода рӯзи ҷумъа ба хабарнигорон гуфт, ин масҷид эҳтимолан дар семоҳаи сеюми соли равон кушода хоҳад шуд.
Едовар мешавем, ки ифтитоҳи масҷид дар шаҳри Душанбе, ки бузургтарин масҷид дар Осиеи Марказӣ ба ҳисоб меравад, чандин маротиба, аз ҷумла аз сабаби пандемияи коронавирус ба таъхир афтодааст.
Қаблан хабар дода шуда буд, ки ҳамзамон дар ҳудуди масҷид тақрибан 120 ҳазор нафар ибодат карда метавонанд. Санг дар таҳкурсии он моҳи октябри соли 2009 гузошта шуда буд.
Лоиҳаи сохтмони иншоот аз ҷониби мутахассисони Тоҷикистон ва Қатар таҳия шудааст. Бо дарназардошти унсурҳои қадимӣ ва муосири санъати меъмории тоҷикистону ҷаҳон иншоот аз чор манора иборат буда, баландии ҳар кадомаш 75 метр, гунбази асосии 47 метр ва боз 20 гунбази хурду калон мебошад.
