Тошихиро Айки сафири Ҷопон дар Тоҷикистон, роҳбарият ва дороии ноҳияи Данғара, 31 январ дар маросими анҷоми лоиҳаи таҷдиди мактаби №10 дар деҳаи Сафобахш ҷамоати Аксу ноҳияи Данғара ширкат варзиданд.
Тибқи иттилои сафорати Ҷопон дар Душанбе, барои татбиқи ин лоиҳа дар доираи барномаи ҳукумати Ҷопон оид ба кӯмаки ройгон барои табақаҳои васеи аҳолӣ ва амнияти башардӯстона (GGP) 123 ҳазору 682 доллар грант ҷудо карда шуд.
Пеш аз татбиқи лоиҳа мактаббачагон дар шароити номусоид таҳсил мекарданд: фаршҳо, дарҳо ва тирезаҳо шикаста ва корношоям буданд. Дар фасли сарди зимистон ҳавои хунук ба осонӣ ба дарсҳо ворид мешуд ва аз ин сабаб гарм нигоҳ доштани синфхонаҳо хеле душвор буд.
Дар доираи лоиҳа дар ноҳияи Данғара дар деҳаи Сафобахш бинои мактаби №10 барқарор карда шуд. Дар доираи таъмири мактаби №10 дарҳо, тирезаҳои нав насб карда шуданд ва фарш дар тамоми биноҳои мактаб таъмир карда шуд, ки ба зиеда аз 800 хонанда имкон медиҳад, ки дар шароити бехатар ва мусоид таҳсил кунанд ва ба раванди таълим таъсири мусбат расонанд.
