Дар заминаи институти Ҳарбӣ дар асоси нақшаи баргузории чорабиниҳои илмию техникӣ дар Ҷумҳурии Тоҷикистон барои соли 2023 конфронси илмӣ-назариявии ҷумҳуриявӣ дар мавзӯи «самтҳои афзалиятноки рушди илми ҳарбӣ дар қувваҳои Мусаллаҳи Ҷумҳурии Тоҷикистон» баргузор гардид.
Дар конфронс маърӯзаҳои илмӣ дар мавзӯъҳои «Нақши илми ҳарбӣ дар ташаккули давлатдории Тоҷикистони соҳибистиқлол ва амнияти минтақаи Осиеи марказӣ вобаста ба таҳдидҳои ҳарбӣ-сиесӣ ва чолишҳои замони муосир», «Ташаккули илми ҳарбӣ дар давраи истиқлолияти кишвар», «Аҳамияти илми ҳарбӣ дар тарбияи ҳарбӣ-ватандӯстии ҷавонон» ва дигар мавзӯъҳои марбут ба кори конфронс пешниҳод гардиданд.
Таъкид гардид, ки масъалаи илму маориф, таълиму тарбия ҳамчун яке аз рукнҳои муҳими давлатдорӣ ва сарчашмаи асосии ташаккули захираҳои инсонӣ дар кишвар таҳти таваҷҷуҳи доимии давлат ва Ҳукумати Ҷумҳурии Тоҷикистон қарор дорад. Зеро бунеди миллат аз илму маориф оғоз меебад, илова бар ин, ғамхорӣ ва таваҷҷӯҳ ба ин қишри ҷомеа, инчунин сармоягузорӣ ба рушди нерӯи инсонӣ шаҳодати шукуфоӣ ва озодии ирода мебошад.щего.
Таъкид гардид, ки конфронс дар доираи иҷрои дастуру супоришҳои Президенти Тоҷикистон Муҳтарам Эмомалӣ Раҳмон оид ба пешбурди фаъолияти илмӣ ва сиесати давлатӣ дар соҳаи илму техника дар қувваҳои Мусаллаҳи Ҷумҳурии Тоҷикистон, ки ҳадафи он, пеш аз ҳама, омӯзиш ва баррасии таҳқиқоти назариявию амалии самтҳои афзалиятноки рушди илми ҳарбӣ дар қувваҳои мусаллаҳи мамлакат ва роҳҳои такмили он дар раванди омодасозии ҳарбӣ-сиесии ҷавонон мебошад, баргузор гардид.
Дар кори конфронс афсарони масъул аз идораҳои дахлдори вазорати мудофиа, идораҳои намудҳои қувваҳои мусаллаҳи кишвар, намояндагони сохторҳои низомӣ ва қудратӣ, олимон ва муҳаққиқони донишгоҳҳои низомии кишвар ва дигар муассисаҳои давлатӣ ширкат варзиданд.
АМИТ «Ховар» бо истинод ба Вазорати мудофиаи Тоҷикистон хабар дод.
АКС: Вазорати мудофиаи Тоҷикистон
