Якчанд кишварҳои ғарбӣ, аз ҷумла Фаронса, Олмон ва Иелоти муттаҳида, аз шаҳрвандони худ дар Туркия даъват карданд, ки дар робита ба хатари ҳамлаҳои террористӣ дар интиқом аз амалҳои сӯзондани Қуръон ҳангоми намоишҳои зидди туркӣ дар Шветсия ва Дания «ҳушер» бошанд, хабар медиҳад Le Parisien.
«Дар партави ҳодисаҳои ахири сӯхтани Қуръон дар Аврупо, ҳукумати ИМА шаҳрвандони худро аз ҳамлаҳои эҳтимолии террористӣ ба иншооти динии Туркия ҳамчун вокуниш ҳушдор медиҳад», — дар изҳороти сафорати ИМА дар Анкара омадааст. Тавре ки шӯъба ҳушдор медиҳад, «террористон метавонанд бидуни огоҳӣ ҳамла кунанд ва объектҳои диниро, ки намояндагони ғарб зуд-зуд дидан мекунанд, ҳамчун ҳадаф интихоб кунанд».
Намояндагии фаронса дар Анкара бо ишора ба огоҳии ҳамкасбони амрикоӣ ба шаҳрвандони худ дар кишвар чунин паем фиристод. «Фаронсаҳое, ки дар Туркия зиндагӣ мекунанд ё дар роҳанд, бояд ҳадди аксар ҳушер бошанд, алахусус дар ҷойҳои серодаме, ки шаҳрвандони хориҷӣ зуд-зуд ташриф меоранд, аз ҷумла дар ҷойҳои динӣ», — дар паем гуфта шудааст. Олмон ва Италия инчунин шаҳрвандони худро аз хатар огоҳ карданд.
АКС: аз манбаъҳои кушода
