Дар Рум 26 январ мулоқоти Сафири Ҷумҳурии Тоҷикистон дар Ҷумҳурии Италия (бо қароргоҳаш дар Париж) Ҷамолиддин Убайдулло бо муовини вазири корҳои хориҷӣ ва ҳамкориҳои байналмилалии Италия Эдмондо Сириелли баргузор гардид.
Зимни мулоқот ҷонибҳо вазъи кунунӣ ва дурнамои рушди ҳамкориҳои мутақобилан судманди байни Ҷумҳурии Тоҷикистон ва Ҷумҳурии Италияро баррасӣ намуданд.
Едовар мешавем, ки 25 январ дар Милан муаррифии имкониятҳои сармоягузорӣ ва сайеҳии Тоҷикистон баргузор гардид. Дар чорабинӣ зиеда аз 200 соҳибкор ва сармоягузорони итолиевӣ ширкат варзиданд.
Дар ҷараени чорабинӣ Сафир Ҷамолиддин Убайдулло ба ҳозирин дар бораи дастовардҳои сиесӣ, иқтисодӣ ва иҷтимоии кишвар дар давраи истиқлолият, инчунин ҳадафҳои стратегӣ ва барномаҳои давлатӣ, низоми бонкии ҷумҳурӣ, муҳити мусоиди сармоягузорӣ ва лоиҳаҳои гуногуни сармоягузорӣ, аз ҷумла имкониятҳо барои рушди тиҷорат, иқтисод ва сайеҳӣ маълумоти муфассал дод.
Дар ин бора ба АМИТ «Ховар» бо истинод ба Вазорати корҳои хориҷии Тоҷикистон хабар медиҳад.
Акс: ВКД ҶТ
