Барои рушди дзюдо дар Тоҷикистон бунеди панҷ маркази дзюдо ба нақша гирифта шудааст.
Дар Душанбе мулоқоти президенти Федератсияи дзюдои Тоҷикистон Исмоил Маҳмадзоир Бо сафири Ҷопон дар ҶТ Тошихиро Аики баргузор гардид.
Дар мулоқот ҷонибҳо имкониятҳои рушди дзюдо дар Ҷумҳурии Тоҷикистонро баррасӣ намуда, Дар Федератсияи дзюдои кишвар хабар доданд. Таъкид гардид, ки Федератсияи дзюдои Тоҷикистон нақша дорад, ки дар шаҳрҳои Душанбе, Хуҷанд, Кӯлоб, Бохтар ва Хоруғ 5 маркази дзюдо бунед намояд.
Ҳамзамон бо мутахассисони Дзюдои Ҷопон барои омода кардани дастаи мунтахаби Тоҷикистон ба бозиҳои Олимпии Париж-2024 Ва Лос-Анҷелес-2028 гуфтушунид идома дорад.
Сафир Тошихиро Айки ба рушди минбаъдаи ҳамкориҳои дуҷониба бо Федератсияи дзюдои Тоҷикистон ва дастгирии ташаббусҳое, ки ба пешбурди арзишҳои маънавию фарҳангии дзюдо нигаронида шудаанд, изҳори боварӣ кард.
