Дирӯз, 24 январ дар ҷаласаи васеи ҳукумати Ҷумҳурии Тоҷикистон Асосгузори сулҳу ваҳдати миллӣ-Пешвои миллат, Президент Чумхури Точикистон муҳтарам Эмомалӣ Раҳмон илова ба дастуру супоришҳои Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон ба роҳбарияти хадамоти алоқаи Ҷумҳурии Тоҷикистон оид ба беҳтар намудани сифати хизматрасонӣ дар соҳаи алоқа, паст кардани арзиши хизматрасониҳои алоқаи мобилӣ ва Интернет, таъмини дастрасии интернети баландсуръат дастуру супоришҳои мушаххас доданд.
Дар ҷаласаи васеи ҳукумати Ҷумҳурии Тоҷикистон роҳбарияти хадамоти алоқаи кишвар зимни ҳисобот таъкид намуданд, ки барои дастрасӣ ба интернети баландсуръат дар тамоми минтақаҳои ҷумҳурӣ, аз ҷумла дар шаҳру ноҳияҳои дурдаст дар якҷоягӣ бо ширкатҳое, ки дар ин соҳа фаъолият мекунанд, тамоми тадбирҳои заруриро меандешад.
Едовар мешавем, Ки Президенти Ҷумҳурии Тоҷикистон Муҳтарам Эмомалӣ Раҳмон дар Паеми навбатӣ Ба Маҷлиси Олии Ҷумҳурии Тоҷикистон «дар бораи самтҳои асосии сиесати дохилӣ ва хориҷии ҷумҳурӣ» 23 декабри соли 2022 ба Хадамоти алоқа супориш доданд, ки якҷо бо ширкатҳое, ки дар ин самт фаъолият доранд, ҷиҳати беҳтар намудани сифати хизматрасонӣ, паст кардани арзиши хизматрасонии алоқаи мобилӣ ва Интернет, зиед намудани дастрасӣ ба Интернети баландсуръат дар тамоми гӯшаҳои мамлакат, аз ҷумла дар шаҳру ноҳияҳои дурдаст тадбирҳои зарурӣ андешанд.
АМИТ «Ховар» бо истинод ба хадамоти матбуотии Президенти Тоҷикистон хабар медиҳад.
