Ширкати чехия шарҳи шароити техникии ҳавопаймоҳои L410 UPV ва L410NG-ро барои идораҳои нақлиетӣ ва авиатсионии Тоҷикистон пешниҳод намуд. Дурнамои рушди ҳамкорӣ ва хизматрасонӣ дар таъмини таҷҳизоти авиатсионӣ ва ҳавопаймоҳои хурд дар мулоқоти вазири нақлиети ҶТ Осим Иброҳим бо ноиби президенти ширкати Чехии«Омнипол» Ҷозеф Пигой баррасӣ шуд.
Тибқи иттилои маркази матбуотии вазорати нақлиети Тоҷикистон, фаъолияти ширкати чехия аз таъмини таҷҳизоти ҳавопаймоӣ ва Ҳавопаймоҳои Хурди L410 UPV ва L410NG барои парвозҳои дохилӣ иборат аст.
Азиз Набизода муовини директори Агентии авиатсияи граждании назди ҳукумати Ҷумҳурии Тоҷикистон омодагии Агентии авиатсияи гражданиро барои идомаи гуфтушунид ва ҳамкорӣ бо ширкати зикршудаи чехия иброз дошт.
