29 январ дар боғи фарҳанг ва истироҳати Фирдавсӣ дар Душанбе ҷашни боғ ва намоишгоҳ-фурӯши ниҳолҳо ва тухмиҳои зироат баргузор мешавад.
Тавре дар Вазорати Кишоварзӣ иттилоъ доданд, ташаббускорони чорабинӣ вазорати кишоварзӣ ва мақомоти иҷроияи ҳокимияти давлатии шаҳри Душанбе мебошанд.
Ид бо иштироки намояндагони идораҳои давлатӣ, зиеиен, коргарони деҳаи Вилоятҳои Суғд ва Хатлон, ВМКБ, шаҳру ноҳияҳои тобеи ҷумҳурӣ баргузор мегардад.
Инчунин дар ин рӯз аз ҷониби вазорати кишоварзии кишвар супоридани ҷоизаҳо ба фаъолони соҳа ба нақша гирифта шудааст.
Дар рӯзи ид кишоварзон аз минтақаҳои гуногуни кишвар маҳсулоти хоси ин минтақаҳо, инчунин асбобҳои кишоварзӣ, тухмии зироатҳо, таҷҳизоти саноатӣ, хӯрокҳои миллӣ, гулҳо ва буттаҳои ороишӣ, маҳсулоти ифодакунандаи ҷашни Боғро муаррифӣ мекунанд.
Сокинон ва меҳмонони пойтахт метавонанд дар ин рӯз намудҳои гуногуни дарахтон, гулҳо ва буттаҳои ороиширо харидорӣ кунанд.
