Ҳангоми савор шудан ба яхи обанбори сунъӣ се писари хурдсол, сокинони деҳаи Гарабдараи ҷамоати деҳоти Балхоби ноҳияи Муминободи вилояти Хатлон ба об афтоданд.
Ҳодиса рӯзи 21 январ тақрибан соати 17: 30 дақиқа ба вақти маҳаллӣ рух дод.
Тибқи иттилои манбаъ, ду кӯдак 5 сола ва як нафар 4 сола буданд. ҷасади кӯдаконро сокинони деҳа аз об гирифта, ба мақомоти ҳифзи ҳуқуқ супурданд.
Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон аз шаҳрвандон хоҳиш менамояд, ки фарзандони худро беназорат нагузоранд ва зарурати риояи қоидаҳои бехатариро ба онҳо фаҳмонанд.
АМИТ «Ховар» бо истинод ба маркази матбуотии Кумитаи ҳолатҳои фавқулодда ва мудофиаи граждании назди ҳукумати ҶТ хабар медиҳад.
АКС: аз манбаъҳои кушода
