Бино ба иттилои сомонаи T24, рӯзи 21 январ дар Консулгарии генералии Шветсия дар Истамбул як тазоҳуроти эътирозӣ баргузор шуд, фаъолон парчами Шветсияро бераҳмона сӯзонданд.
Ҳамин тавр, мардуми Туркия ба амали сиёсатмадори ростгарои Дания ва ҳуқуқшинос Расмус Палудан, ки ҳамзамон раҳбари ҳизби зиддиисломии “Курси сахтгир” аст, вокуниш нишон дод. Ӯ рӯзи 21 январ як нусхаи Қуръонро дар назди сафорати Туркия дар Стокҳолм сӯзонд.
Дар матлаб омадааст, ки пас аз сӯзондани парчам ширкаткунандагони гирдиҳамоӣ Қуръони карим хонда, намоз хонданд.
Иброҳим Калин, сухангӯи Раҷаб Тайиб Эрдуғон, раиси ҷумҳури Туркия, гуфт, сӯзондани Қуръон як ҷинояти ошкори нафрат аст ва вазорати умури хориҷаи Кувайт сӯзондани Қуръон дар Шветсияро як иғво барои мусалмонони ҷаҳон хонд.
Дар ҳамин ҳол, Тобиас Биллстром, раиси вазорати умури хориҷии Шветсия гуфтааст, ки иғвоҳои исломофобӣ даҳшатнок аст, аммо бо вуҷуди ин, дар кишвар озодии баён ба роҳ монда шудааст.
АКС: аз манбаъҳои кушода
