Тавре директори Муассисаи давлатии «Китобхонаи миллии Тоҷикистон»-и Дастгоҳи иҷроияи Президенти Ҷумҳурии Тоҷикистон Ҷумъахон Файзализода зимни вохӯрӣ оид ба натиҷаҳои фаъолияти муассиса дар соли гузашта изҳор дошт, дар айни замон гӯшаи электронии китобхонаи миллии Тоҷикистон дорои 329 ҳазору 800 номгӯй китоб мебошад. Кормандони Китобхонаи миллии Тоҷикистон соли гузашта дар муқоиса бо соли гузашта беш аз 1500 адад китобро дар шакли электронӣ ба хонандагон пешкаш намуданд.
Соли гузашта дар Китобхонаи миллӣ 16743 нафар хонандагон фаро гирифта шуда, шумораи умумии аъзоёни китобхона ба 258887 нафар расид. Дар давоми сол ба залхои хониши китобхона 223 хазору 489 нафар одамон омада, 240 хазору 598 адад китоб дархост кардаанд.
Мудири Китобхонаи миллӣ қайд кард, ки дар соли 2022 ба фонди Китобхонаи миллӣ 54 ҳазору 308 нусха адабиёт ба маблағи умумии 148 ҳазору 429 сомониву 28 дирам ворид гардида, дар китобхона коркард шудааст. Дар фонди биржаи захиравӣ 1856 нусха китобҳо ба маблағи умумии 32671 сомонӣ ва дар филиалҳо 36 нусха китобҳои бе унвон ба қайд гирифта шудаанд.
Дар ин бора АМИТ «Ховар» бо истинод ба Китобхонаи миллӣ хабар дод.
АКС: аз манбаъҳои кушода
