Дар Остона рӯзи 19 январ мулоқоти сафири Тоҷикистон дар Қазоқистон Хайрулло Ибодзода ва раиси раёсати ширкати суғуртаи содиротии ҶСК «Казакэкспорт» Аслан Калигазин баргузор гардид.
Дар ин дидор имконоти содирот ва тарҳҳои сармоягузории Тоҷикистон муаррифӣ шуда, ҳамчунин масоили густариши ҳамкориҳои дуҷониба дар бахшҳои кишоварзӣ, саноат, энержӣ, сохтмон ва логистика баррасӣ шуд.
Қобили зикр аст, ки Қазоқистон яке аз шарикони асосии тиҷоратии Тоҷикистон ба шумор меравад. Саҳми он дар гардиши тиҷорати хориҷии Тоҷикистон дар натиҷаи 11 моҳи соли гузашта 19,6 дарсадро ташкил медиҳад.
Дар ин бора АМИТ «Ховар» бо истинод ба Вазорати корҳои хориҷии Тоҷикистон хабар додааст.
