Узви тими футзали Тоҷикистон ва бошгоҳи «Соро компания»-и Душанбе Идрис Ёров ба тими миллии Тюмени Федератсияи Русия пайваст.
Идрис 6 моҳи оянда дар Суперлигаи Русия шарафи тими «Тюменро» ҳимоя мекунад. Идрис Ёров метавонад дар ин даста танҳо пас аз 24 январи соли 2023 пас аз кушода шудани равзанаи гузариши зимистона дар Суперлигаи Русия бозӣ кунад.
Қаблан футзалбози тоҷик дар Русия ду ҳафта дар «Тюмен» аз санҷиш гузашта буд.
Ба гуфтаи директори муваққати тими «Тюмен» Денис Харин, шартномаи Идрис дар Суперлига дар сурати нишон додани маҳорати баландтарин тамдид хоҳад шуд.
Ёдовар мешавем, ки Идрис Ёров аз соли 2018 шарафи тими «Соро компания»-ро ҳимоя мекунад.
Дар ин бора АМИТ «Ховар» бо истинод ба Лигаи футзали Тоҷикистон хабар дод.
АКС: ТВ Варзиш
