Ҳамкории мақомоти ҳифзи ҳуқуқ ва СММ дар солҳои охир дар сатҳи олӣ, бахусус дар соҳаи амнияти кормандони СММ ба роҳ монда шудааст. Дар ин бора зимни мулоқоти Вазири корҳои дохилӣ Рамазон Раҳимов Бо ҳамоҳангсози доимии СММ дар Ҷумҳурии Тоҷикистон Сезин Синаноглу зикр гардид.
19 январ дар робита ба ба охир расидани ваколатҳои дипломатии ҳамоҳангсози доимии СММ дар Ҷумҳурии Тоҷикистон Сезин Синаноглу мулоқот баргузор гардид.
Дар мулоқот Вазири корҳои дохилӣ ба фаъолияти ҳамоҳангсози доимии СММ дар Тоҷикистон баҳои баланд дода, барои ҳамкориҳои судманд дар давраи фаъолияташ изҳори сипос намуд.
Сезин Синаноглу ба Вазири корҳои дохилӣ барои ҳамкории зич ташаккур гуфт ва дар фаъолияти минбаъда муваффақият орзу кард.
АМИТ «Ховар» бо истинод ба хадамоти матбуоти ВКД хабар медиҳад.
