Дар Фаронса рӯзи 19 январ ба далели тазоҳуроти дарпешистода алайҳи ислоҳоти низоми нафақа халалдор шудани соҳаи нақлиёт дар назар аст. Рӯзи 17 январ Ширкати миллии роҳи оҳан (SNCF) ҳушдор дод, ки ҳаракати нақлиёт дар як қатор хатсайрҳо тақрибан пурра қатъ карда мешавад.
Гуфта мешавад, ки дар он рӯз ҳамагӣ 10% қатораҳои шаҳрӣ дар хатсайрҳо хоҳанд буд.
Корпартоӣ инчунин ба нисфи қатораҳои шаҳрии RER, ки ба Париж ва атрофи шаҳр хизмат мерасонанд, таъсир мерасонад. Дар хатсайрҳои автобусҳо интизор меравад, ки сеяки автобусҳо бекор карда шаванд.
Илова бар ин, хадамоти матбуоти Сарраёсати авиатсияи граждании кишвар (DGAC) гуфт, ки 20% парвозҳо дар фурудгоҳи Орли Париж лағв карда мешаванд, хабар медиҳад France24.
